تشرق لي الشمس ويضيع ارتحالي!!..

يارب انا ضيعـت كـل المياديـن
وباقي طريقك واضح بوسط بالـي
وعاتبت غالين وخاصمـت غاليـن
ومحد درى مع كـل هـذا بحالـي
وانا اعيش بزحمة الناس هالحيـن
ماشوف ماسمع غير ثورة خيالـي
احس وحساسي على ايش او مين؟
ياكثر مايطـري براسـي سؤالـي
غريب واللي حولي اصلا غريبيـن
ودور في دنيـة وجـودي لحالـي
اروح وبعد بس مدري علي ويـن
تشرق لي الشمس ويضيع ارتحالي
وارجع ادور في جميـع العناويـن
من هو ترى ياقلبـي اللـي بقالـي
انسان انا ومع كل هـذا انـا ميـن
سؤال يحرقنـي ويزيـد اشتعالـي
مخلوق من ميه ومخلوق من طيـن
وارفض ادوس الارض الا بنعالي
هي كبرياء ابليـس والا انـا ويـن
ودتنـي افكـاري اشـك فظلالـي
مره سمعـت بفلسفـات المجانيـن
ومدري بلحظتها وش اللي جرالـي
غير اني اسكت واتحاشى القريبـن
لا تـدري بهمسـي ولا بنفعـالـي
اقعد بوسط الروض بين البساتيـن
وأخاف من نفسي يبيـن اختلالـي
وكل ماركض طفل وعدو له كثيرين
حسيت بي اسقط بوسـط احتمالـي
هل هو حقيقه واقعي او انـا فيـن
ضيعت عمري في بحـور اتكالـي
اقرر ارجـع وأختلـط بالملاييـن
وبلحظه احس اني اخون اعتزالـي
تخنقني الذكرى لماضـي البعديـن
واحن وابكـي كـل شـي غدالـي
وفتح كتاب اشعاري اللي من سنين
كتب فيه احساسي اللـي طرالـي
عواطفي نزواتي ورسمـي لعيـن
تبكي ومدمعها من الحـزن سالـي
وش حدني في وقتها اشكي البيـن
رغم ان طيبي في غرامي خيالـي
قاسيت فرقا خلـي وقسـوة البيـن
ووطيت جمر فـاق زود أحتمالـي
وحدي سهرت الليل والناس ساليـن
اشكي مرار الجرح وابكي خمالـي
عشقت لكن صمتي اجبرنـي ابيـن
فعيون عذالـي لمحـت اختلالـي
طالت يدين الجرح واستاسع الديـن
وغدى سمار الحزن فينـي مدالـي
ومع كل هذا زرت كـل المياديـن
ولقيت بان الله هـو اللـي بقالـي

» إجعلي الشمس صديقة حميمة لبيتك