الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 رحلة إلى مستشفى المجانين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
khawla1



انثى عدد الرسائل : 447
العمر : 22
الموقع : www.ousshass.forumactif.com
العمل/الترفيه : élève
المزاج : bien
تاريخ التسجيل : 14/12/2008

مُساهمةموضوع: رحلة إلى مستشفى المجانين   الأحد يناير 04, 2009 6:25 am

صحيت فجأة من النوم , ليه مش عارف , يمكن كابوس أو صوت , المهم صحيت , رحت قايم من السرير و أنا فاتح بقي و بفرك في عينيا و بهرش في دماغي من النعس , رحت الحمام وغسلت وشي و بعديها رحت رامي نفسي قدام التلفزيون و ماخد الريموتو بقلب في القنوات , إيه الملل ده , أفلام يجي مليون مرة شايفها.
مسكت الموبايل و من الزهق قعدت أقلب في الأرقام , فجأة لقيت قدامي إسم " أونكل عزت " , هنا إفتكرت إنه مدير مستشفى العباسية " أيوة المجانين يا باشا " !!!!! و جت فكرة مجنونة في دماغي , ليه مروحش أزوره في المستشفى و أشوف إزاي المجانين عايشين و إزاي أشكالهم . لسه الفكرة بتختمر في دماغي ما لقيت نفسي إلا و انا ناطط من على الكنبة و رحت لابس هدومي و راكب عربيتي السبور و وصلت للمستشفى و لقيت عم عصمان في وشي.
عم عصمان - دايما البواب إسمه عصمان ليه متعرفش – أسمر البشرة طويل شوية و حاطط عمامة على دماغه , بص عليا و قالي : إنت رايح فين؟ قلتله عند أونكل عزت , هرش دماغه و قالي معندناش حد بالإسم ده , أنا بحلقت بيه و قلتله الدكتور عزت!!! , قالي قول كده من الأول أصل أونكل عزت ده مش موجود هنا مفيش إلا الدكتور عزت!! , شايف البناية اللي هناك اللي وراها بالضبط , قلتله أوكي و رحت داخل المستشفى و يا ريتني ما دخلت.
أول ما دخلت لقيت واحد عنده 3 شعرات و موقفهم سبايكي زي قرن الغزال!!!! قلت يا ساتر المكتوب باين من عنوانه!! رحت عليه و سألته هو فيه إيه؟ قلي شششش , وطي صوتك!! بصتله و قولتله ليه هو فيه إيه؟ قالي الشبكة مش راضية تلقط !! شبكة إيه يا عم الحج؟ قالي شبكة المحمول أصلي عاوز أكلم أمي فوق!!!
فوق!!!! رحت جاري من قدامه و راسي بتلف و انا بقول اللهم عافينا , لا حول و لا قوة إلا بالله , ما لقيت فجأة إلا واحد قدامي لابس جكيتة بدلة و قرافة من فوق و من تحت شورت و شراب!!!! أحسن!! كملت يا عم الكتكوت!! بصلي و قالي هي الساعة كام؟ قلتله ليه يا باشا؟ قالي عايز ألحق الشركة قبل ما تقفل!! شركة إيه يا حبيبي؟ قالي شركة الفول السوداني لبيع الموز البرازيلي علشان عاوز اشتري سجارتين بانجو!!!
يا حبيبي!!! فول إيه و موز إيه يا بتاع البنجو!!! زحلق من قدام وشي أحسن ما أضربك , رحت ماشي و شفت المبنى الأول قدامي , قربت من مجموعة شجر طويلة و عشب طويل , و فجأة لقيت شيء بيشدني لجوه الشجر و ببص لقيت واحد فوقي ماسك سكينة في إيده و نازل بيها عليا و .....

نراكم على خير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
رحلة إلى مستشفى المجانين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أسامة حسان :: تعارف ودردشة :: فرفشة وضحك-
انتقل الى: